MIAMBA ya soka la wanawake klabu ya Simba Queens leo imefuzu hatua ya nusu fainali ya michuano ya Kufuzu Ligi ya Mabingwa Afrika(CAF) Ukanda wa Baraza la Vyama vya Mpira wa Miguu Mashariki na Kusini mwa Afrika(CECAFA) 2024 inayoendelea Ethiopia baada ya kuichapa Kawempe Muslim Ladies ya Uganda kwa mabao 3-0.
Mchezo huo umefanyika kwenye uwanja wa Abebe Bikila uliopo mji mkuu wa Ethiopia, Addis Ababa.
SOMA: Simba Queens wapania kumaliza kwa kishindo
Katika mchezo wa kwanza dhidi ya FAD Djibouti ya Djibouti Agosti 19 Simba Queens ilishinda kwa mabao 5-0.
Simba Queens imekuwa ya pili kufuzu hatua ya nusu fainali ya michuano hiyo baada ya CBE ya Ethiopia.
